لاتلعن الفقـر يالشاعـر ولاتشـره رسول الامة فقير ومنهجـه سامـي
لو كل واحد حزين اتحـده العبـره لقيتني ابكي ضنوني على أوهامـي
لكن أصبر على الشوق وعلى امـره واصد عنه حبيبي لـو انـا ضامـي
اسابق اليوم من فجره ليـا عصـره واحلـف والله ماتسبقنـي أيـامـي
أستثمر أخطاء هـذا اليـوم لبكـره عشان ماتتعب من احلامي اقدامـي
والحب جمره على جمره على جمره والبعد عن من تحب الميسم الحامـي
والزين ماهو بزين الخـد والبشـره الزين زين الخلق والعاتق السامـي
مداعبات القصيد المرنـة الخطـرةتنشط الـدم بـي وتزيـد بالهامـي
قد قال شيخ الشيوخ الي سبق عصره يامرحبـا يامعنـى خـط الاقلامـي
شعر سمو الشيخ حمدان بن محمد بن راشد آل مكتوم "فزاع"
الخميس أغسطس 27, 2009 3:15 am
