“Sad love story’’ """عنوان القصة"""
الشخصيات :
الهندي: بايع الخضرة وفي رواية اخرى راعي مقهى هع ــــــ< البطل
البوس:البطلة
جودي: اخت البطلة
هذي ما اشاعه وانما وحده م القصص الواقعية اللي صارت ف فريجنا
الله يسلمكم كان فيه هندي يجي يبيع خضرة عدنا تقريبا كان يجي يوم وترك(تعرفون حريمنا صحيات وايد ف محتاجات خضرة فرش) انزين.. وطبعا امي كانت وايد تعتمد عليه وتشتري دايما من عنده بس كنا طلعنا عن الموضوع لا والله ماطلعنا الله يسلمكم صح امي تشري من عنده بس ما اروحها اطرشنا حن نشري نادرا ما تكون هيه لانه يجي ف عز الظهر يوم تكون تسوي غدا المهم ف البداية كان كل مره حد (بس انا ولا مره طاح الدور علي) بس بعد اسبوعين صارت البوس هيه كل مرة اللي تشتري من عنده حن شفنا السالفة عادية يعني ما لازم نحاتي(نهتم) لكن بعد شهر صرت ألاحظ انه البوس ما على طبيعتها دومها سرحانه ...وما تاكل وايد .. وعيونها يلمعن من مسافة كيلو..ووايد تهتم بشكلها...ووو..ألخ يعني من ذيه القبيل ما قدرت اشوفها بذي الحاله وما اسالها ف رحت وسالتها ليش متغيرة.. دمعـت عينها وما عرفت وش تقول انا كذا خفت اكثر وشددت على اني اعرف وش السالفة بدت تقولي قصايد و كلام ما فهمته و شعر غريب اول مرة يطلع من لسانها المهم بعد ما خلصت بدت توصفلي شخص غريب ما اعرفه من هوه تقولي لو تشوفي شعره كيف مصفوف.. وريحة عطره كيف تدوخ (ايه بالله تدوخ خخخ) .. لاه كله واناقته (أون اناقته وهو يلبس قميص أخضر ووزار أزرق)... لاه وسيكله ياي ف حياتي ما شفت مثله.. كيف توايره كبار..... ووووووو...ألخ من ذا الوصف
تخيلتها تتكلم عن توم كروز بس قلت كيف توم كروز وسيكل ...لالالالا اعتقد انها تتكلم عن سلمان خان لانها طرت الهند بديت اسالها وين شفتيه ومتى بتشوفينه وووو..ألخ عموما خبرتني متى بيجي عاد انا اتجهزت عشان اشوف ذيه شاروك خان..
وجات اللحظة اللي شفته فيها اول ما شفته طاحت عليي صامله(ما اعرف وش معناتها بس بشكل عام كأنها مصيبة) و صديت صوب البوس ولقيتها مسبهه(يعني فاكه حلجها وماتدري بشي)عاد انا ما رمت افكر تششلل عقلي هذا هوه؟؟ هذا نفسه اللي كانت البوس تتكلم عنه؟؟ بديت اشك ف عمري ..المهم شرينا منه ودخلنا البيت بديت انا وبكل عصبية اتنازع واشاتم والبوس ما معي.. خبر خيير خخخ
(يعني يا جودي بس علشان انه هندي عصبتي؟؟ ولا امبونك سايره تشوفينه؟؟ يعني لو عماني عادي عندك؟)
المهم تميت سرحانه طول الوقت جالسة افكر ف السالفة لحد (تخيلوا) الساعة ثنتين قلت لا لازم اكلمها واخبرها بملاحظتين مهمات عندي (يعني اسايرها لحد ما تقتنع) بس قلت امكن راقده اخليها وقت ثاني بس بعدين اتذكرت شي مهم انه (الليل هو نهار ........... خخخخخخخخ)
سرت لعندها وبالفعل لقيتها تشوف القمر وتعد النجوم اونها عشان ترقد خخخخ المهم تقدمت وتكلمت بصوت هادي
جودي: البوس!!!!
البوس: هاه!!!
جودي: وش هاه؟ صدق انك رايحة فيها
البوس : انزين خلصيني تكلمي بسرعة ما فاضيتلك ابا اسير ارقد
جودي: والله ما عارفة وش اقولك بس الله يسلمك يا اختي انا من عرفت سالفتك وانا افكر ما ياني حتى رقاد وتراني انا اختك واحب مصلحتك ويايه اطلب منك انك تفكرين عدل (الله يخلي العقل )
البوس: انا ما قلتلك انسي السالفه اصلا انا الغلطانه اني خبرتك..
جودي : انزين بس بقول كلمتين وابا اعرف ردك وبروح
البوس: (من دون نفس) تفضلي
جودي : البوس انا شفته وهو ريال عود(كبير)عليك يعني شفتي كيف شعره متروس( مليان) شعر ابيض
البوس: والله الكبر ما عيب والريال ما يعيبه غير جيبه
(هنيه نقعت جودي م الضحك)
جودي: اون تقول جيبه كيه هو عنده مالية قارون وانا ما ادري؟ أقول اصحي يا ماما اصحي!!!
البوس: صدق انك ما تنعطين ويه زولي طلعي بره.. بسرعة ..
جودي: انزين ..والله اخر شي بس شويه أأ..........
البوس: قلتلك ما ابا اسمع كلمه منك طلعي بره ..يالله بره
جودي: اخر مرة وبعدين ما بفتح الموضوع معك مره ثانية
البوس: تكلمي خير
جودي : سؤال واحد بس
البوس: نطقي خلصيني
جودي :انتي ما شفتي الخاتم اللي ف يدينه؟
البوس : شفته بس هذا ما معناته انه متزوج وحتى لو متزوج الاسلام حلل اربع(بدت تخوره الاخت أصلا الأخ أظنه هندوسي)
جودي : انزين فكري انه ابويي لو عرف بيعقرك انتي وياه
البوس: يعقرني ع الاقل بيريحني م العذاب اللي انا فيه( وايد عايشة الدور الاخت)
جودي : اقول تمنظري في القمر عشان بعدين تجلسين تقارنين وتشوفين المصيبه اللي انتي فيها!!!
البوس: اصلا هو احلى عن القمر
هنا جودي طاحت من وقفتها (صدق غم)
الثلاثاء أغسطس 25, 2009 3:31 am
